2026 жылғы 29 қазанда Ыбырай Алтынсарин атындағы №83 мектеп-гимназиясында №2 педагогикалық кеңес өтті. Кеңестің негізгі тақырыбы – «Білім беру сапасын арттыру, білім алушылардың қауіпсіздігін қамтамасыз ету және педагогтердің кәсіби дамуын қолдау».
Педагогикалық кеңесте бірінші тоқсанның қорытындысы бойынша білім сапасы мен оқу үлгеріміне талдау жасалып, білім беру үдерісінің тиімділігін арттыру жолдары қарастырылды. Сонымен қатар «BilimClass» электрондық журналы мен ҰББДҚ порталының уақытылы әрі сапалы толтырылуы мәселесі талқыланды.
Кеңес барысында ерекше білім беру қажеттіліктері бар білім алушыларды психологиялық-педагогикалық қолдау, оқушылар арасындағы құқық бұзушылықтың, буллинг пен зорлық-зомбылықтың алдын алу шаралары және мектептегі қолайлы психологиялық ахуалды қалыптастыру мәселелеріне ерекше назар аударылды.
Сондай-ақ пилоттық жоба аясындағы педагогтерді аттестаттау қағидаларындағы өзгерістер, мектептегі педагогикалық-психологиялық қызметтің жұмысын ұйымдастыру, «Балажан» платформасын енгізу және оқушыларды психологиялық диагностикалау мәселелері қаралды.
Педагогикалық кеңес қорытындысы бойынша білім сапасын арттыру, білім алушылардың қауіпсіздігін қамтамасыз ету, психологиялық қолдау жұмыстарын жетілдіру және педагогтердің кәсіби құзыреттілігін дамыту бағытында тиісті міндеттер айқындалды.
Педагогикалық кеңес – білім беру сапасын жақсартуға, өзекті мәселелерді бірлесе талқылауға және ортақ шешім қабылдауға бағытталған маңызды кәсіби алаң..jpeg)


.jpeg)
.jpeg)
.jpeg)



