Бүгін мектебімізде “Білім күні” аталып, алғашқы қоңырау үнімен білім ордамыз өз шәкірттеріне есіктерін қайтадан айқара ашты.

Мектеп-гимназия директоры С. Е. Теменова ұстаздар мен ата-аналарды, оқушыларды жаңа оқу жылымен құттықтап, жиынды ашып берді. Оқу ісінің меңгерушісі Ж. Ж. Мұхамадиева оқу жылының басталуы туралы бұйрықпен таныстырып, барша ұстаздарды, оқушылар мен ата-аналарды құттықтады. Мектепте өткен алғашқы қоңырау салтанатына Есіл ауданының полиция басқармасы басшысының орынбасары Көпболсынов Данияр Ермекұлы қатысып,  ұстаздар қауымы мен оқушыларды және жиналған қалың көпшілікті білім күнімен құттықтады. Кішкентай бүлдіршіндеріміз ән шырқап, би билеп, өнерлерін көрсетті.
Осы оқу жылында №83 мектеп-гимназия табалдырығын 650 бүлдіршін аттады. Жаңа оқу жылында ұстаздарымыз бен оқушыларымызға табыс тілейміз. 2022-2023 оқу жылы барлығымызға құтты, берекелі жыл болсын.






                                                                             

                                                                                       Казбекова Айдана Талгатовна