Ағымдағы жылғы 13 маусымда №83 мектеп-гимназиясының
2021-2022 оқу жылында 1-4 сынып оқушыларымен жазғы «Думан» лагерінде Нұр-Сұлтан қаласы Алматы ауданы ішкі істер басқармасы қызметкерлерінің қатысуымен «Жол қауіпсіздігі ережесі» бойынша іс-шара өткізілді.

         Аталған іс-шарада жазғы «Думан» лагерінің «Айгөлек», «Балапан», «Өнер», «Балауса», «Балдырған», «Ботақан» атты топтарында білім алып жатқан 110 бала қатысты, сондай-ақ мектептегі қазақ және орыс сыныптарын ескере отырып, іс-шара екі тілде (мемлекеттік және орыс тілдерінде) жүргізілді.

Нұр-Сұлтан қаласы Алматы ауданы ішкі істер басқармасының инспекторы полиция капитаны Турганов Ильяс балаларға жолда жүру ережесі мен жол жүру қауіпсіздігін түсіндірді. Оның ішінде, жолда самокат және велосипед айдап жүрген уақытта жолдан өту тәртібін және басқа да қауіпсіздік шараларын түсіндіріп өтті.

Сонымен қатар, алдын ала дайындалған жол қауіпсіздігі ережелері бойынша сақтандыру белгілерін пайдалана отырып, балалардың білуі қажетті ақпаратпен бөлісті.

Лагерь оқушыларын ынталандыру, сондай-ақ жол ережелерін түсінуге қызығушылықтарын арттыру үшін балаларға «Жол қауіпсіздігін меңгергені үшін!» грамота мен олдан жасалған жол жүру күәліктері берілді.

Одан басқа, балаларға және  ата-аналарға кеңес ретінде  пайдалануға тиімді жадынамалар таратылды.