2021-2022 оқу жылы бәріміз үшін өте ерекше болмақ. 1-сыныпқа алғаш қадам басқан бүлдіршіндеріміз де дәстүрлі форматта білім алатыны қуантады. Осы мереке қарсаңында еліміздің барлық аймақтарында «Алғашқы қоңырау» мерекесі аталып өтті. Біздің №83 мектеп-гимназиясы да бұл іс-шарадан тыс қалмады.

Мектеп табалдырығын аттаған бүлдіршіндерге арналған салтанатты жиын ұйымдастырылды. Жиын барысында 1-сынып оқушылары алтын ұя мектебіне өздерінің жыр шумақтарын арнаса, мектептің өнерлі өрендері ән айтып, Алмагүл Муталлапқызының жетекшілігіндегі «Театрум» театры Ыбырай Алтынсаринге арналған көріністі тарту етті. Бұл көрініс арқылы Ыбырай Алтынсариннің қазақ халқы үшін жасаған ерен еңбегін көпке үлгі ете алдық деген ойдамыз.Сонымен қатар, мектебіміз Ы.Алтынсариннің 180 жылдығына орай, республикалық, қалалық деңгейдегі іс-шараларға дайыналып жатқанын атап өткізіміз келеді.

Осы оқу жылында №83 мектеп-гимназия табалдырығын 640 бүлдіршін аттады. Жаңа оқу жылында ұстаздарымыз бен оқушыларымызға табыс тілейміз. 2021-2022 оқу жылы барлығымызға құтты, берекелі жыл болсын.