Нұр –Сұлтан қаласындағы №83 мектептің 4 « Б» сыныбында  Абай Құнанбаевтің 175 жылдығына арналған «Абай – дана, Абай – дара қазақта!» тақырыбында  тәрбие сағаты өтті.

Сынып іші тақырыпқа сай безендірілген. Мұғалім оқушылардың Абай туралы білгендерімен бөлісіп, тақырыпты ашу мақсатында кластер ұйымдастырды. Тәрбие сағатында оқушылар Абайдың балалық шағынан көрініс көрсетті.  Абайдың жазған өлеңдерінен  қысқаша қойылым қойылды. Абайдың досы Ерболмен бірге ауылдарды аралап, жазған әндерін шырқағандарын және жастарға соны үлгі ретінде насихаттағандарын шағын қойылым ретінде көрсете білді. Абайдың 4- ші, 6-шы, 25- ші, 37- ші ,28- ші қара сөздері жатқа айтылды. Осы қара сөздердегі тәрбиелік мән-мағыналарды оқушылар өз бойларына сіңіруге тырысты. Оқушылар ұлы ақын туралы білгендерімен өз араларында ой бөлісті. Олар Абайдың драматург, ақын, композитор, ағартушы, ұлы адам екендігін біліп, таныды.  Тәрбие сағатының соңында оқушылар Абайдың қазақ көркем әдебиетінде ойып тұрып орын алған дара тұлға екеніне тағы да көз жеткізді. «Болмасаң да ұқсап бақ» деп Абай атамыз айтқандай әрбір оқушы Абайдың даналығы мен даралығына қызығып, өздерін болшақта ұлы адам болатындығына сенім білдірді.